...فيه بدلة مش هينفع تلبسها وإنت بتبدأ مشروعك
بدلة المدير الناجح في شركته اللي بياخد مرتب كبير… وليه مكتب فخم… ونفوذ… و
CV
مليان إنجازات
المشكلة مش في البدلة نفسها … المشكلة إنها بتخليك تشوف مشروعك من نفس العدسة اللي شايف بيها مكانتك الوظيفية
بتخليك عاوز تبني فكرة مشروع ضخم ... عاوز فريق كبير ... و مقر إداري ... وتمويل ... و دراسة جدوى كاملة من أول يوم
ليه كل ده؟
علشان ده المستوى اللي اتعودت عليه في وظيفتك ... والمستوى اللي حاسس إنه يليق بيك
...بس خليني أقولك الحقيقة المؤلمة
أي مشروع بيتبني بنفس سقف نجاحك المهني غالبا مش هيبدأ أبدا … أو هيبقى معرض لنسبة فشل عالية جدا
لإنه محتاج تفرغ كامل ... ومخاطرة ضخمة... وموارد صعب توفرها
اللي في مناصب كبيرة مشكلتهم إنهم بيرفضوا البدايات الصغيرة
!مثلا … إزاي مدير كبير هيقول للناس إنه عامل بزنس أكل صغير من مطبخ بيته؟
صعب تتقبل إن الناس تشوفك بادئ بشكل صغير زي المبتدئين
رافض تحس إنك بتبدأ من أول السطر… مع إنك عملتها قبل كده في شغلك ونجحت
ناس كتير شاطرة جدا بتضيع حلمها كل يوم لإنها مش قادرة تخلع بدلة المدير
مش قادرة تبدأ بخطوة بسيطة… بفكرة صغيرة… ببوست واحد على السوشيال ميديا
مش قادرة تسيب الـ
CV
على جنب وتفكر بروح رائد الأعمال اللي بيبدأ من الصفر ويكسب أول ١٠٠ جنيه وهو فرحان بيهم
مع إنك لو عملت كده … هتستمتع بالرحلة وتفرح نفس فرحتك بمولود جديد … و هتقلل نسبة الفشل والمخاطرة جدا
وأكيد باذن الله حلمك هيكبر ويتوسع لحد ما يتجاوز حدود خيالك … والناس كلها هتبقى مبهورة بالتحول من بداية صغيرة لشركة عملاقة
كل اللي محتاجه هو إنك تتواضع في البداية … وتتجرد من لقبك الكبير
ساعتها الدنيا كلها هتتغير … والمشروع الصغير هيبقى رسالتك الكبيرة في الحياة
...وافتكر إن
"اللي هيربط أحلامه بلقبه الحالي ... هيفضل طول عمره بيشتغل لحلم مش بتاعه"