إمبارح اتفرجت على اللقاء العبقري بين محمد صلاح و مجدي يعقوب ... و استوقفني حاجة مهمة جدا
طول الحوار تقريبا بيتكلموا عن أهمية الشغف و إنك تكون بتعمل الحاجة اللي بتحبها ... و من خلالها يكون عندك رسالة تخدم المجتمع
اتمنى يكون الحوار ده نهاية للموجة اللي شوهت أحلام ناس كتير ... و طلعت تهاجم فكرة الشغف ... وإنها للمرفهين .. و إنها حاجة مش مهمة و إن اللي بيمشي ورا شغفه بيمشي ورا سراب ... و غيرها من الأفكار السلبية
أنا دايما بقول إن أهمية الشغف أثبتها التاريخ
في أي لقاء هتسمع فيه حد ناجح و حقق انجازات استثنائية، لازم هيذكر الشغف كشئ أساسي في رحلة نجاحه
!الشغف سر الحياة