في يوم دخلت
Zoom call
مع مجموعة مديرين في شركة
Multinational
كبيرة
كانوا بينظموا
event
كبير للموظفين ... وعاوزين نتفق على
Motivational Talk
أقدمه فيه
اقترحت عليهم موضوع مالوش علاقة مباشرة بريادة الأعمال
كنت وقتها وصلت لفكرة
The ONLY 3 Laws of Success
إن مهما اختلفت النصايح والقواعد عن النجاح ... في النهاية كل حاجة بترجع لـ3 قوانين فقط
وشرحتلهم قصة اكتشافي للقوانين دي ... والقصة ابهرتهم جدا
فسألوني
طب إيه هما الـ3 قوانين؟
قلتلهم
1. Big Motive (دافع كبير)
2. Big Character (شخصية كبيرة)
3. Big Value (قيمة كبيرة)
لكن القانون التاني استوقفهم
Big Character
بالذات لما شرحتلهم إن جزء منه متعلق ببناء شخصية قوية تقدر تواجه آراء الناس والتحديات والضغوط
فجأة حسيت إن اتجاه المكالمة اتغير
المدير المسؤول قاللي فيما معناه
"إحنا مش عاوزين الموظفين يتمردوا علينا"
يبدو إن فكرة إننا نشجعهم يبنوا شخصية قوية ماكانتش مريحة بالنسبالهم
أنا فاكر إني في اللحظة دي تقريبا حسمت قراري
لو الموضوع اللي أنا مؤمن بيه مش مناسب ... مافيش مشكلة
لكن مش هغير الرسالة علشان آخد الفرصة
فما اقترحتش موضوع بديل ... وأنهينا المكالمة بشكل لطيف على إنهم يفكروا ويرجعولي
بعدها بيومين بعتولي إنهم قرروا يصرفوا النظر عن فكرة الـ
Motivational Speaker
من الأساس
لحد النهاردة معرفش هل فعلا ألغوا الفكرة
ولا دي كانت طريقة شيك لرفضي أنا تحديدا
لكن الموقف ده خلاني أفكر في حاجة أكبر
كل لعبة ليها قواعد
لو اخترت الـ
corporate
جزء من اللعبة إن فيه حدود كبيرة لسيادتك على حياتك و قراراتك مهما ارتفع منصبك
وده مش معناه إن الـ
Corporate
غلط ... دي ببساطة طبيعة النظام
لما تشتغل داخل مؤسسة ... طبيعي يكون فيه قرارات بتتفرض عليك
وفيه اتجاه لازم تسمع الكلام و تتحرك فيه
وفيه شخص أو جهة في النهاية ليها سلطة أعلى منك
وده موجود حتى لو وصلت لأعلى المناصب
الـ
CEO
نفسه عنده
Board
ومساهمين وأصحاب مصالح لازم يتعامل معاهم
وده مش عيب ... بس مهم تبقى فاهم اللعبة اللي اخترت تلعبها ... والثمن اللي بتدفعه مقابلها
و دي واحدة من الأسباب العميقة اللي خلتني أعشق ريادة الأعمال ... و أكون متأكد من أول يوم إني ماتخلقتش علشان أكون موظف
الحرية أهم قيمة عندي ... و السيادة على حياتي وقراراتي لا غنى عنها بالنسبالي
ريادة الأعمال بتخرج جوانب في شخصيتك يمكن ماكنتش تعرف أصلا إنها موجودة
لإنك بتقرر بنفسك ... وتتحمل نتيجة قرارك ... وتقول لأ بثقة ... وتواجه آراء الناس بشجاعة ... و تختار الطريق اللي يناسبنك حتى لو محدش غيرك شايفه
و ده تطبيق عملي لفكرة
Big Character
الشخصية الكبيرة مش معناها إنك تتمرد على الناس لمجرد التمرد
الشخصية الكبيرة معناها إنك تعرف إنت عاوز تعيش إزاي ... وتملك من القوة ما يكفي إنك ماتتنازلش عن ده كل مرة حد تاني يكون عاوز منك حاجة مختلفة.
صحيح إن النوع ده من الشخصيات ممكن يخوف بعض أنظمة الـ
Corporate
لكن أنا بشوف إن الشخصية الكبيرة مش شخصية متمردة
دي ببساطة شخصية حرة