أخطر قرار في البزنس مش القرار اللي خسرك فلوس ... ولكن القرار اللي أدى لحياة إنت مش عاوز تعيشها
معظم قرارات البزنس بنقيمها بالأرقام
الفرصة دي هتزود المبيعات قد إيه؟
العميل ده ممكن يدخلنا كام؟
التوسع ده ممكن يكبر الشركة قد إيه؟
بس فيه سؤال أهم أنا شايف إننا نادرا ما بنسأله
"لو القرار ده نجح فعلا ... حياتي هتبقى عاملة إزاي؟"
صحيح ممكن عميل كبير يضاعف دخلك ... لكن هيخليك تحت الطلب طول الوقت
أو ممكن استثمار جديد يفتحلك سوق ضخم ... لكن هيحتاج فريق أكبر ومشاكل إدارية إنت في غنى عنها
أو ممكن فرصة توسع ممتازة تضاعف حجم شركتك ... لكن هتاخد منك الحرية اللي كنت بتتمناها و إنت بتعمل بزنس من الأساس
علشان كدة ماتقيّمش أي قرار في البزنس بناءا على النتيجة المادية اللي ممكن يحققها و بس
قيمه كمان بناءا على شكل الحياة اللي ممكن يفرضها عليك