كل الناس بتاخد بالها من العمل الاستثنائي
العمل اللي بياخد شهرة واسعة وكل الناس بتتكلم عنه
بس محدش بياخد باله من عدد الأعمال اللي تمت قبله وماحدش اهتم بيها ولا أخد باله منها
:من المبادئ اللي دايما بنصح بيها هو
"غزارة الإنتاج هي الطريق الإجباري لأي عمل استثنائي"
أنا بدأت رحلتي في التدريب سنة ٢٠٠٥
قعدت ٧ سنين أدي برامج تدريبية للشركات عن إدارة الوقت والتواصل والعرض والتقديم، إلخ
و كنت باخد تقييمات عالية الحمد لله
بس مافيش أي برنامج منهم “كسر الدنيا” أو عمل علامة فارقة
....وفي ٢٠١٢
صدفة خلتني أقدم برنامج جديد اسمه
Passion To Profit®
ومن هنا بدأت الرحلة الحقيقية
نفس الأسلوب
نفس المهارات
نفس الشخص
:بس حاجة واحدة كانت مختلفة
عمل جديد أضيف لمجموعة أعمال كتيرة جدا قبله
البرنامج ده تحول بعد كدة لشركة كاملة وحلم عظيم مستمر بقاله ١٣ سنة بفضل الله
اتخرج منه مئات من قصص النجاح
و حصل على ٦ جوائز عالمية في التأثير والإبتكار في ريادة الأعمال
وحاجات تانية كتير
...افتكر
"غزارة الإنتاج هي الطريق الإجباري لأي عمل استثنائي"
مافيش إبداع عظيم طلع من أول مرة
ولا براند عالمي اتبنى على أول فكرة أو منتج
حتى توماس إديسون عنده ١٠٩٣ براءة اختراع
بس إحنا عرفناه بسبب المصباح الكهربائي
يعني هو كمان كان "غزير الإنتاج”… لحد ما واحد من أعماله أصبح الأشهر على الإطلاق
المشكلة إن ناس كتير بتوقف بعد المحاولة الأولى
أو لما مشروعهم الأول ... أو منتجهم الأول ... ما ينجحش بالشكل اللي كانوا متخيلينه
لكن لو إنت مؤمن بنفسك و برسالتك، طلع للدنيا أعمال كتير
و في كل مرة اعمل أحسن حاجة عندك
و كن على يقين إن واحد من أعمالك بدون ما تتوقع خالص هيكون فاتحة الخير عليك وعلى ناس كتير