مافيش طريق جاهز للنجاح... الطريق بيتخلق وانت ماشي فيه

:فيه سؤال ناس كتير بتسأله أول ما يكتشفوا شغفهم

"أبدأ إزاي؟"

والسؤال ده رغم إنه شكله بريء ومنطقي ... إلا إنه بيخلي ناس كتير تقف مكانها

لإن حقيقة السؤال ده مش حيرة في نقطة البداية ... ولكنه سؤال عن طريقة مضمونة للنجاح

النجاح مالوش طريقة مضمونة ... لإنك لازم هتعدي بمراحل فيها تجارب

ولكن النجاح محتاج شخصية قوية ومؤمنة باللي هي بتعمله

هو ده اللي بيضمن النجاح بإذن الله ... لإن هي دي ببساطة سنة ربنا في الكون

"اللي بيبدأ في مجال شغفه، بيبدأ من نقطة اسمها: "الاستكشاف

لحظة بتصدق فيها فضولك و إن مجال شغفك ممكن تقدم من خلاله حاجة العالم ماشافش زيها قبل كدة

أنا فاكر واحد من عملائي كان بيحب الرياضيات جدا… بس شايف إن أقصى طموحه يكون دكتور في الجامعة

و بالنسباله ده كان طريق مسدود

لحد ما وريته مثال لواحد اسمه

Arthur Benjamin

عامل دمج عبقري بين الرياضيات والترفيه وبيقدم عروض عالمية مسلية وملهمة جدا

وقتها عينيه نورت

شاف طريق ماكانش شايفه قبل كده

و آمن إن أكيد في طرق تانية كتير - غير طريق دكتور الجامعة - ممكن يحقق من خلالها نجاح كبير

وكل ده حصل لأنه وافق يستكشف شغفه أكتر

:اللي عايز أقولهولك

"المجهول دايما بيخبي فرص ... بس ماحدش بيوصلها غير اللي عنده فضول يستكشف"

:لو لسه بتسأل تبدأ منين، فالإجابة دايما هتكون

استكشف

اقرأ

اسأل

جرّب

تابع ناس في مجالك

افتح دماغك على احتمالات جديدة

وشوف إزاي الناس بتكسب من شغفهم بطرق عمرك ما كنت هتتخيلها

الاستكشاف هو أول خطوة حقيقية لحياة مختلفة و متميزة

وهو اللي هيفتحلك أبواب جديدة ... ويشيل من قدامك وهم إن مافيش فرصة أو إن الطريق مقفول

خد وقتك ... واستمتع بالرحلة

:وافتكر دايما إن

"مافيش طريق جاهز للنجاح... الطريق بيتخلق وانت ماشي فيه"

ابدأ رحلتك بالاستكشاف

واعرف إن أول خطوة هي دايما المفتاح