ممكن تكون شاطر ... عندك حل عبقري ... و متأكد إن اللي بتقدمه ممكن يغير حياة الناس
بس في المقابل مفيش اهتمام ... مفيش طلب ... مفيش عملاء
ده ببساطة لإن قيمتك ما وصلتش للناس
اللي بيكسب مش دايما الأذكى ... اللي بيكسب هو اللي بيعرف يسوّق نفسه صح
وعلشان كده، لازم تتعلم فن الـ
Attractive Positioning
وده مش مجرد تسويق عادي
ده فن إنك توصل لقلب وعقل عميلك، وتقنعه إنك الشخص المناسب اللي كان بيدوّر عليه
:أنا دايما بقول
"العميل مش هيسمعك إلا لو قدمت نفسك بشكل يخليه عايز يسمعك"
:ولو مش عارف تبدأ منين، خليني أبسطهالك في خطوتين
١. احكي حكايتك
فكر في أكتر نقطة تحول في رحلتك
اللحظة اللي اكتشفت فيها - بعد سنين من البحث - الحل لمشكلة عانيت منها أو كنت مهتم بحلها للناس
دي أكتر حاجة بتلمس الناس
وانت دورك تحكي القصة اللي تخلّيهم مستعدين يدفعوا عشان يعيشوا نفس التغيير
...أنا دايما بحكي قصتى
...الطفل الإنطوائي اللي شخصيته أبعد ما يكون عن رائد الأعمال الناجح
...ولكن كان عنده حلم كبير إنه يسيب أثر ينفع الناس
...وبعد رحلة طويلة قدر يسيب الوظيفة التقليدية
...و يأسس عدة شركات ناجحة
ويحصل على جائزة دولية كأفضل رائد أعمال على مستوى العالم
..."قصة طلعت منها بدرس مهم إن "الأحلام بتتولد داخل الأشخاص القادرين على تحقيقه
وإن أي حد من خلال شغفه يقدر يسيب أثر نافع يخلي حياته أطول من عمره
دي القصة الأساسية اللي بيدور حواليها شغلي كله وفي أي فرصة بحكيها علشان أفكر الناس بأهمية الشغف والحلم وإنك تعيش حياة أكبر من حدود الوظيفة
٢. وضّح الفايدة
...بعد ما تلمس قلبهم بالقصة، وضحلهم
إيه اللي هيتغير في حياتهم لما يشتروا المنتج بتاعك؟
مش بشكل نظري أو عام ... لازم يكون واضح و بسيط و مباشر
:زي ما بقول دايما
"الفايدة الغامضة = لا فايدة"
مثلا في برنامج
Passion To Profit®
مقياس نجاحنا و أهم حاجة بنحاول نسلط عليها الضوء باستمرار هي قصص النجاح اللي اتخرجت من البرنامج
لإن دي أكتر حاجة ممكن تشجع و تنشر الأمل عند الناس ... إنهم يشوفوا ناس شبههم وقدروا يحققوا اللي هما بيحلموا بيه
:لو عايز الناس تشوفك وتقدّرك ابدأ من هنا
احكي حكايتك
ووضح فايدتك